«Тукта ашыкма гомер»

2026 ел буена планлаштырылган «Ихлас» проектын дәвам итеп китапханәбезгә “Кама таңнары” язучысы Вәсимә Салахованы чакырдык. «Тукта, ашыкма гомер.. » дип исемләнгән әдәби – музыкаль кичәбезнең кунагы киң кырлы, үзенчәлекле ханым. Бер-бер артлы шигырьләр язып, күңел хисләрен кәгазъ битләренә төшерә. Тормыш юлының кызыклы вакыйгаларына күз салып, шигърияте аланында ял итеп, автор үзе башкарган шигрият кочагында ял итәргә теләүче һәркемне әлге очрашуга көтәбез. Әгерҗе якларында туып, бүгенге көндә Түбән Камада яшәүче Вәсимә ханым иҗаты һәркемдә зур кызыксыну һәм соклану уятыр, дигән теләктә калабыз.